Kimelfalgey ti txokiñche witxañpüramtualu ta mapuzugun / Lanzan organización para la revitalización del mapuzugun

Tüfachi we txokiñche ayiniey ñi wenuntunietual ta mapuzugun kimeltun zugu mew pu wechekeche mew, fillke koneltun mapuzugun mew ka fillke kurso fillke waria mew amulnielu wallmapu mew.

Ka konküley ti txokiñche amunielu ti oficialización mapuzugun mew pigelu.

Tüfachi safazu rupachi antü, tati kimeltuchefe ñi ruka mew Temuko waria mew mülelu, entugey ti Mapuzuguletuaiñ ñi kimelfaluwün, fey tañi inanielu ti wenuntutun mapuzugun ka kimeltun mapuzugun, feyti küzaw koneltun mapuzugun pigelu mew.

Wünelumu entukunugey kiñe püchi gellipun ka fey wüla zuguy ti ñizolkülelu ti txokiñche, Serkio Marinaw, feyta feypi kuifitu ñi amulniegekel tüfachi küzaw, zew zoy epu txipantugetuy.

Marinaw ta feypi ñi kuifigen ñi witxañpüramgen ti küzaw, pu wechekeche ñi kizukechi witxañpüramel chi küzaw. “Ayiyiñ ñi witxañpüramtual taiñ zugun, petu ñi ñamlu am taiñ mapuzugun, ka tati küzaw amulefulu fantepu yochilay tüfachi zugu mew.”

“Felefuy ñi müte genon pepiluwün, müley taiñ kimeltual ta mapuzugun”. Rakizuamiyiñ taiñ chumechi rume pepiluwal fey mew ñochikechi küme rüpütulerpuy ka zoy küme kimiyiñ ñi chew ñi puwal. Fantepu ta Mapuzuguletuaiñ ayiniey ñi witxañpüramtual ta mapuzugun ka kimeltugeal”

Fey femechi mew ta, feypi ñi fillke küzaw ñi amulniel tati txokiñche, fey amulniegün ti koneltun mapuzugun, mapuzugun ñi txekañpen  tañi witxañpüramgetual ka oficializageal ka kiñeke kursu amulnielu Temuko püle, ka Imperial püle, ka Konsepsión püle.

 “Iñchiñ ta fantepu feypiafuiñ ñi konken zoy kayu pataka che ti fillke koneltun mew entugeyelu. Re iñchiñ taiñ koneltun mew ta zoy epu pataka che zew konüwyey ”, feypi.

Ka feypi, ti alüken chillkatufe müna matuke kimüwyeigün ta mapuzugun. “ka zewmawyeiñ ta kursu chew ñi re mapuzugun ñi pünegeal. Feymu ta re mapuzugun mew ta kimeltukeiñ ka re mapuzugun mew ta gütxamkakeiñ. Iñche feypiafun, kom feychi pu che zew weke kim mapuzugulu gewyetuy.”

Ka feyti kimelfaluwün mew üytugeyi kiñeke falinkeche wenuntniekelu ta mapuzugun: Armando Nahuelpag ka Elisa Avendaño, kimelchichegelu ti ülkatun mew kom Wallmapu mew; Maria Katxilew, fütxa papeltuwma che ti fütxa chillkatuwe ruka mew “Austral de Valdivia” pigelu; ka Rosendo Wiska, wenuntuniekelu mapuzugun wirin zugu mew.

Zew zewlu ti txawün elugeyi ñi zugual kiñeke kimelchiche ñizolküleyelu chew ñi entun ñi rakizuamegün ñi chum amuleal ti mapuzugun  ka fillke we küzaw chew ñi kelluntukual. Ka chalientugey ta Paula Wenumilla, feyta amualu ta Euskal Herria chew ñi chillkatumeal, pu Garabideche ñi kellun mew.

Ka Mapuzuguleatuaiñ ta konküley ti txokiñche mew oficialización zugu ñi inaniel, chew ñi azkunugeal kiñe küzaw ñi chumechi ñi witxañpüramgetual ta mapuzugun; Wallmapu ñi zugun.

La nueva agrupación Mapuzuguletuaiñ busca promover y enseñar el idioma en jóvenes y adultos, a través de procesos de inmersión lingüística en internados y cursos en distintas ciudades del Wallmapu. Además, forma parte del movimiento que integra la Mesa por la Oficialización del Mapuzugun.

Este sábado, en la casa del Colegio de Profesores de Temuko, se llevó a cabo el lanzamiento de la organización Mapuzuguletuaiñ, cuyo objetivo es la promoción y enseñanza del mapuzugun mediante inmersión ligüística en jóvenes y adultos.

La actividad comenzó con un llellipun y posteriormente se dirigió a los asistentes el presidente de la agrupación, Sergio Marinao, quien explicó que el origen de Mapuzuguletuaiñ responde a un trabajo que partió hace más de dos años.

Marinao comentó que la organización partió como una iniciativa levantada de forma autónoma principalmente por jóvenes estudiantes. “Vimos la necesidad de levantar el idioma, cómo el mapuzugun se estaba perdiendo y lo que hace es insuficiente para su revitalización”.

“A pesar de las pocas herramientas dijimos ‘tenemos que enseñar el mapuzugun’. Pensamos que teníamos que hacer lo posible por eso y después poco a poco fuimos puliendo nuestros objetivos y hacia dónde nos íbamos a focalizar. Hoy Mapuzuguletuaiñ busca principalmente la revitalización de la lengua y su enseñanza como segundo idioma”, afirmó.

En ese sentido, señaló que entre las actividades más relevantes de la organización se encuentran los internados lingüísticos, la marcha por la revitalización y oficialización del mapuzugun y los talleres que realizan en ciudades como Temuko, Imperial y Concepción.

“Si consideramos el proceso que desarrollamos con las organizaciones anteriores, podemos decir que cerca de 600 personas han pasado por nuestros internados. Numéricamente, solo en los internados de Mapuzuguletuaiñ han pasado entre 200 y 250 personas”, sostuvo.

Además, destacó que varios de los estudiantes que han comenzado el proceso de aprendizaje del idioma han logrado progresos significativos. “Hemos hecho cursos avanzados que se caracterizan por la inmersión lingüística, es decir,  que se hagan solo en mapuzugun. Ahí enseñamos y conversamos netamente en nuestra lengua. Yo diría que esas personas pueden ser consideradas como nuevos hablantes”.

Durante el lanzamiento se le entregó un reconocimiento público a cuatro importantes cultivadores del idioma: Armando Nahuelpan y Elisa Avendaño, reconocidos cantautores mapuche que han llevado sus cantos por todo Wallmapu; María Catrileo, académica de larga trayectoria en la Universidad Austral de Valdivia; y Rosendo Huisca, destacado promotor de la literatura en mapuzugun.

Al terminar la actividad se les dio la palabra a líderes mapuche que expresaron sus proyecciones respecto del mapuzugun y las iniciativas que se están generando para promoverlo. Además, se despidió a la lamgen Paula Huenumilla, quien viajará a Esukal Herria (País Vasco) para cursar una pasantía, apoyada por la organización Garabide.

Mapuzuguletuaiñ también forma parte del movimiento que integra la Mesa por la Oficialización del Mapuzugun, cuya principal tarea es la construcción de un plan de revitalización de este idioma; la lengua de Wallmapu.